• Өнөөдөр 2024-03-29

Хөл хорио тогтоох эсэхийг өнөөдөр ШИЙДНЭ

2021-03-31,   556

Засгийн газрын ээлжит хуралдаан эхэллээ. 
 
Коронавируст халдварын шинэ тохиолдлуудын тоо эрс нэмэгдэж байгаатай холбогдуулан Эрүүл мэндийн яамнаас ирэх дөрөвдүгээр сарын 3-18-ныг хүртэл "Гамшгаас хамгаалах бүх нийтийн бэлэн байдал" буюу гамшгийн улаан түвшинд шилжиж, хатуу хөл хорионы дэглэм тогтоох санал гаргасан. Улсын онцгой комисс өчигдөр хуралдаж, хатуу хөл хорио тогтоох тус саналыг дэмжиж, өнөөдрийн Засгийн газрын хуралдаанд оруулж байгаа юм. Хөл хорио тогтоох эсэх, хэзээ, ямар хугацаатай тогтоохыг өнөөдрийн Засгийн газрын хуралдаанаар эцэслэн шийдвэрлэж, олон нийтэд танилцуулна. 
 
Түүнчлэн, өнөөдрийн хуралдаанаар 
 

- Коронавируст халдварын цар тахлын нөхцөл байдал, авч хэрэгжүүлж байгаа шуурхай хариу арга хэмжээний тухай,

- "Эрүүл мэндээ хамгаалж, эдийн засгаа сэргээх 10 их наядын цогц төлөвлөгөө" -ний хэрэгжилтийн тухай,

- Коронавируст халдвар (КОВИД-19)-ын цар тахлын голомтот бүсэд ажиллаж буй эмч, эрүүл мэндийн ажилтнуудад санхүүгийн дэмжлэг үзүүлэх тухай,

- Агаарын тээвэр, аялал жуулчлалын талаар авах зарим арга хэмжээний тухай зэрэг 20 орчим асуудал хэлэлцэхээр төлөвлөжээ.

 

Хөл хорио тогтоох эсэхийг өнөөдөр ШИЙДНЭ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188