Монгол Улсын Засгийн газрын ээлжит хурал өнөөдөр боллоо. Хуралдаанаар  Алтанбулаг боомтоор улсын хил нэвтрэх ачаа тээврийн хөдөлгөөнийг нэгдүгээр сарын 18 хүртэл зогсоосон байсныг хоёрдугаар сарын 1-ний өдөр хүртэл сунгах шийдвэр гарчээ.Коронавирусийн халдвараас урьдчилан сэргийлэх, эрсдэлийг бууруулах үүднээс хоёрдугаар сарын 1-нээс хүнс, эм , эмнэлгийн хэрэгслийг долоо хоногт нэг удаа Алтанбулаг боомтоор улсын хил нэвтрүүлэх аж. Ингэхдээ гадаадын тээвэрлэгчийн ачаатай чиргүүлийг боомтын хяналт шалгалтын бүсэд дотоодын тээвэрлэгчид шилжүүлж авах байдлаар ачаа тээвэрлэлтийг зохион байгуулна. Энэ хүрээнд ариутгалын цэг байгуулах, хилийн хяналтын болон автотээврийн байгууллагын албан хаагчид байрлан ажиллах түр байр барих, хяналтын камерийн систем суурилуулах ажлууд хийхээр болжээ.