Ерөнхий сайд У.Хүрэлсүх өнөөдөр Зам тээврийн хөгжлийн яаманд ажиллалаа. Тэрбээр авто замын бүтээн байгуулалтыг цаг хугацаанд нь хийхийг үүрэгдсэн. Тухайлбал,  Улаанбаатар-Арвайхээр чиглэлийн 58 км авто замын засвар, шинэчлэлийн ажил, Тосонцэнгэл-Улиастай чиглэлийн 67 км авто замын ажлыг хурдан дуусгах шаардлагатай байгааг салбарын сайдад нь анхаарууллаа.  

Мөн энэ үеэр хөндсөн нэг асуудал нь баруун талдаа жолооны хүрдтэй автомашиныг импортлохыг хоригло гэдгийг Ерөнхий сайд санууллаа. Түүнчлэн осолд орж байсан болон эвдрэл гэмтэлтэй, долоо ба түүнээс дээш жилийн насжилттай тээврийн хэрэгслийн импортыг хоригх ёстой гэлээ. Тэрбээр “цаг хугацааг нарийн  зааж өгөөд хоригло, хязгаарла. Хамгийн гол нь ард иргэдээ сайтар мэдээллээр хангаж, хориглох хугацааг зааж өг. Энэ бол Үндэсний аюулгүй байдалтай холбоотой ажил учраас зайлшгүй хийх хэрэгтэй байна” гэлээ. Ингэснээр Улаанбаатар хотын түгжрэлийг бууруулна гэж үзэж буй юм.