Монгол Улсын Засгийн газрын ээлжит хуралдааан өнөөдөр болж, Засгийн газрын хуралдаанаас гарсан шийдвэрийг Эдийн засаг, хөгжлийн дэд сайд С.Наранцогт танилцууллаа.

Тэрбээр  “Өнөөдрийн Засгийн газрын хуралдаанаар цар тахлын нөхцөл байдалтай холбоотойгоор хоёр жилийн хугацаанд тасалдаад байсан эдийн засгийн форумыг “Монголын эдийн засгийн чуулга уулзалт” нэрээр зохион байгуулах шийдвэр гарлаа. Одоогоор Монгол Улсад засгийн форум хийх нөхцөл байдал “Шинэ сэргэлтийн бодлого”-оор бүрдсэн.

Эдийн засаг, хөгжлийн яамнаас “Монголын эдийн засгийн чуулга уулзалт”-ыг дэлхийн эдийн засгийн форумд танилцуулж, ирэх есдүгээр сард гаднын эдийн засагчдын дунд “Invest Mongolia” арга хэмжээг зохион байгуулахаар боллоо” гэсэн юм.

Мөн Засгийн газрын хуралдаанаар “Шинэ сэргэлтийн бодлого”-ыг гаднын хөрөнгө оруулагчдад ойлгуулах, төр, хувийн хэвшлийн үйл ажиллагааг эхлүүлэг ажлыг эдийн засгийн форумаар хэлэлцэх үүрэг өгсөн талаар Ерөнхий сайдын хэвлэлийн төлөөлөгч Ч.Болортуяа мэдээлэв.