Засгийн газрын өнөөдрийн хуралдаанаар хэлэлцсэн асуудал, гаргасан шийдвэрийг танилцууллаа. 

Ерөнхий сайдын хэвлэлийн төлөөлөгч Ч.Болортуяа "Замын-Үүд боомтод дөрөвдүгээр сарын 10-ныг хүртэл хэсэгчилсэн байдаар онцгой дэглэм тогтоогоод байгаа. Эрээн боомтод 985 чингэлэг гацаад байсныг энэ сарын 11-нээс татан авч эхэлсэн. Өнөөдрийн байдлаар 433 чингэлэг  ачааг Замын-Үүд боомтоор дамжуулан татан аваад байна. Одоогоор өдөрт 60-65 чингэлэг татан авч байгаа бөгөөд ирэх 8-9 хоногт бүх чингэлгүүдийг татан авч дуусахаар төлөвлөж байна. Үүнтэй холбоотойгоор Замын Үүд боомтод халдвар хамгааллын дэглэмийг сахиулах, зохион байгуулалтыг сайжруулахыг холбогдох сайд нарт үүрэг болголоо" гэлээ.