Засгийн газрын ээлжит хуралдаанаар 2022 оны төсвийн төсөл хэрэгжиж эхлэхтэй холбоотой түүний дагуу хэрэгжүүлэх зарим арга хэмжээний тухай тогтоолын төсөл баталжээ. Энэ талаар Сангийн сайд Б.Жавхлан мэдээлэл хийлээ. "Тэрбээр энэ тогтоол найман хэсгээс бүрдэж байгаа.

1.  Орлогын чиглэлээр уул уурхайн тбүтээгдэхүүний экспортыг нэмэгдүүлэх,
2. Төрийн өмчит компаниудын үйл ажиллагааг хөнгөвчлөх, ашигт ажиллагааг нэмэгдүүлэх,
3. Нийгмийн суурь ажиллагааны зардалд хэмнэлт хийх,
4. Төсвийн байгууллагын нийтлэг үйлчилгээг гэрээний үндсэн дээр хэрэгжүүлэх талаар чиглэл өгсөн
5. Төсвийн хөрөнгийн үр ашгийг нэмэгдүүлэх,
6. Дамжуулан зээлдэгч нарын санхүүжилтийн өрийг барагдүуулах зэргийг тусгасан.

 Засаг захиргаа нутаг дэвсгэр түүний удидлагын тухай хуульд зааснаар  "Боловсрол, эрүүл мэнд, нийгэм соёлын байгууллагын барилга байгууламж, хөдлөх хөрөнгийн ашиглалт засвар үйлчилгээ, орон нутгийн чиг үүрэгт шилжсэн" гэж байгаа. Орон нутагт байдаг энэ байгууллагуудын барилга байгууламжтай холбоотой чиг үүрэг нь тухайн аймаг, дүүрэг, сумын Засаг даргын чиг үүргийн ажил болж байна гэсэн үг. Үүнийг Төсвийн хуулиар биш Орон нутаг, Засаг захиргааны хуулиар аль жилийн өмнө шийдчихсэн. Үүнийг дагаад энэ хуульд зохицож,  цалин, урамшуулал ч шилжсэн гэж ойлгож болно. Өөрөөр хэлбэл, цалин урамшуулал, 36 сарын тэтгэмж гэх бүх зардал албан хаагчдынхаа тоогоор, өмнөх зарчмаараа орон нутгуудад шилжээд, суурь зардал очсон байгаа. Төсөв багасгаад хувийн байгууллага руу шилжүүлсэн зохицуулалт байхгүй" гэлээ.