Монгол Улсын 32 дахь Ерөнхий сайд Л.Оюун-Эрдэнэ МАН-ын дарга боллоо. Өнөөдөр МАН-ын Бага хурлын XI хуралдаанаар, намын даргад Монгол улсын Ерөнхий сайд Л.Оюун-Эрдэнийг дэвшүүлж, удирдах зөвлөл болон бага хурлын гишүүдийн олонхийн саналаар дэмжлээ. Тэрбээр МАН-ын 100 жилийн түүхэнд 30 дахь, шинэ үеийн буюу 1990 оноос хойшхи 12 дахь намын даргаар сонгогдлоо.

Намтар

Хурц овогт Лувсаннамсрайн Оюун-Эрдэнэ

Төрсөн он: 1980.06.29

Гэр бүл: Ам бүл тав, эхнэр хүүхдүүдийн хамт амьдардаг

Боловсрол:

• 1998 онд Хэнтий аймгийн Бэрх хотын Ерөнхий боловсролын сургууль

• 2001 онд Бэрс дээд сургуулийг сэтгүүлч мэргэжлээр

• 2008 онд МУИС-ийн Хууль зүйн сургуулийг Эрх зүйч мэргэжлээр тус тус төгссөн.

• 2015 онд Харвардын Их сургуульд Төрийн удирдлагын магистрын зэрэг хамгаалсан.

Ажлын туршлага:

• 2001 он Хэнтий аймгийн Бэрх хотын захирагчийн албанд Тамгын газрын дарга

• 2002 он “Дэлхийн Зөн Монгол” ОУБ-ын Хэнтий салбарын захирал

• 2006 он “Дэлхийн Зөн Монгол” ОУБ-ын Бүс хариуцсан Захирал

• 2008 онд Нийслэлийн Баянзүрх дүүрэгт Нийгмийн хөгжлийн хэлтсийн дарга

• 2009 онд Монгол Ардын Намын Удирдах Зөвлөлийн Хэрэг эрхлэх газрын дарга

• 2010-2014 он Нийгмийн Ардчилал Монголын Залуучуудын холбооны Ерөнхийлөгч

• 2011 он Монгол Ардын Намын Нарийн бичгийн дарга

• 2012 он Монгол Ардын Намын Ерөнхий нарийн бичгийн даргын үүрэг гүйцэтгэгч

• 2016 оноос Монгол Улсын Их Хурлын гишүүн

• 2019 оноос Монгол Улсын сайд, Засгийн газрын Хэрэг эрхлэх газрын дарга

• 2020 оноос Монгол Улсын Их Хурлын гишүүн

• 2021 оноос Монгол Улсын Ерөнхий сайдаар ажиллаж байна.