Дэлхийн хотуудыг амьдрахад, суралцахад, аялахад тохиромжтойгоор нь  жагсаадаг “Lonely Planet”  сэтгүүл заавал аялж үзэх ёстой орноор  Бутаны Хаант Улсыг нэрлэжээ. Хималайн диваажин гэгддэг тус улсын хог хаягдлаар бохирдоогүй онгон зэрлэг байгаль, ард иргэдийнх нь буддын шашиндаа үнэнч байдал, хүрээлэн буй орчинтойгоо хүндэтгэлтэй хандаж буй нь  очсон хүн бүрийн сэтгэлийг хөдөлгөдөг байна. Түүнчлэн “Lonely Planet”  сэтгүүл Бутанаас гадна  Англи, Умард Македони, Карибын тэнгисийн өмнөд хэсэгт орших арлын Аруба Улс, Өмнөд Африк дахь Эсватинигийн Хаант Улс, Коста-Рика, Нидерланд, Либери, Марокко болон Уругвайг заавал очиж үзэх ёстой газраар нэрлээд байна.

Эх сурвалж: https://news.yahoo.com/lonely-planet-best-travel-destinations-220502066.html