Франц хэлний багш хатагтай Ширмэнгийн Отгонжаргалд Францын Засгийн газрын “Пальм академик”, “Эрдмийн гавьяаны III зэргийн одон” хүртээлээ. Боловсролын салбарт 30 дахь жилдээ, Улаанбаатар хот дахь “Альяанс франсэз” төвд арав дахь жилдээ багшилж буй тэрбээр Монгол Улсад франц хэлийг заах, түгээн дэлгэрүүлэхэд чухал гавьяатай үлгэр жишээ багш юм.

    Ш.Отгонжаргал багш франц хэлний мэдлэг тогтоох олон улсын “DELF/DALF” шалгалтыг гүнзгий шат буюу “С2” түвшин хүртэл Монгол Улсад авах эрхтэй цорын ганц багш юм. Ш.Отгонжаргал багшийн Монгол Улсад франц хэл, соёлыг түгээн дэлгэрүүлэхэд оруулж буй үнэтэй хувь нэмрийг оруулсан. Түүний хоёр улс хоорондын чинхүү сайхан харилцаанд өдөр тутмын үйл хэргээрээ чухал үүрэг оролцоотой явж ирсэн хичээл зүтгэлийг нь Франц Улс өндрөөр үнэлж энэхүү нэр хүндтэй шагналаа талархан олгов.