Бүгд Найрамдах Турк Улсад албан ёсны айлчлал хийж буй Монгол Улсын Батлан хамгаалахын сайд Д.Батлут тэргүүтэй төлөөлөгчид айлчлалынхаа хоёр дахь өдрийн хөтөлбөрийг БНТУ-ыг үндэслэгч, анхны Ерөнхийлөгч Мустафа Кемал Ататүркийн бунханд цэцэг өргөж, хүндэтгэл үзүүлснээр эхлүүллээ.

     ”Аныткабир” цогцолбор нь БНТУ-ын түүх, тусгаар тогтнолын хамгийн эрхэм бэлгэдэл бөгөөд тус улсад албан ёсны айлчлал хийж буй гадаад улс орнуудын Төр, Засгийн тэргүүнүүд, Батлан хамгаалахын сайд нар дипломат протоколын дагуу заавал зочилж, хүндэтгэл үзүүлдэг журамтай юм. Энэхүү уламжлалт ёслолын арга хэмжээ нь Монгол, Турк хоёр орны түүхэн найрамдалт харилцаа, харилцан итгэлцэл, дипломат хүндэтгэлийн өндөр илэрхийлэл боллоо.