Монгол Улсаас НҮБ-ын суугаа  Байнгын төлөөлөгч Д.Мөнхтөр НҮБ-ын Үйлдвэр хөгжлийн байгууллага “ЮНИДО”-гийн ерөнхий захирал Герд Мюллерт итгэмжлэх захидлаа гардуулав. Уулзалтаар талууд Монгол Улс болон “ЮНИДО”-гийн хамтын ажиллагаа, 2025 онд байгуулсан “Монгол Улсын Засгийн газар, “ЮНИДО”-той хамтран 2025–2027 онд хэрэгжүүлэх орны хөтөлбөр”-ийн үр дүнтэй хэрэгжүүлэх талаар санал солилцлоо.

     Байнгын төлөөлөгч Д.Мөнхтөр “ЮНИДО”-той тогтвортой аж үйлдвэржилт, инновац, хувийн хэвшлийн хөгжил болон ногоон шилжилтийн чиглэлээр хамтын ажиллагааг өргөжүүлэхэд ач холбогдол өгч буйг онцлов. Ерөнхий захирал Герд Мюллер Монгол Улстай хэрэгжүүлж буй Орны хөтөлбөрийн явцыг сайшааж, хамтын ажиллагааг олон салбарт өргөжүүлэхэд бэлэн буйгаа нотлов.