“Хүчтэн” холбооны санаачилгаар Герман Улсын Боргхолцхаузен хотод өнгөрөгч бямба гарагт зохион байгуулагдсан энэ зуны анхны “Монгол өв соёл” наадам өргөн дэлгэр, амжилттай болж өндөрлөн, наадамчин олноо баясган цэнгүүллээ.Энэхүү наадам нь Монголын өв соёл, уламжлал, зан заншлыг герман найз нөхөддөө сурталчлан таниулах, Герман дахь монголчуудын эв нэгдлийг бэхжүүлэх, үр хүүхдүүддээ үндэсний өв соёлоо өвлүүлэн үлдээх зорилготой юм.

     Мөн Монгол, Германы найрсаг харилцааг улам бататгах эрхэм зорилготой байсан бөгөөд бид энэхүү зорилгодоо амжилттай хүрч чадлаа. Тус наадамд  Боргхолцхаузен хотын дарга Dirk Speckmann, хотын захиргааны төлөөлөгч Wolfgang Klein, Орон нутгийн захиргааны төлөөлөгч Thorsten Klute, Монгол Улсаас ХБНГУ-д суугаа Элчин сайдын яамны Элчин зөвлөх хатагтай Ц. Мөнхцэцэг, Батлан хамгаалахын атташе ноён Д. Содномдаржаа, Хүүхдийн номын зохиолч Rüdiger Paulsen оролцлоо.