“Амьдрахуй” гэх дэлхийн зохиолчийн, дэлхийн зохиолын гол дүрд уригдана гэдэг надад их хүндэтгэлтэй, сайхан байлаа

Эргэлзээг минь тайлсан нь “Орфей” театрын хамт олон. Тэд ямар ч эргэлзээгүй гол дүрээ Батаа гэж харсан. Тиймээс л М.Батболд найруулагч “Миний Фу Гүй бол та мөн юм байна” гэж хэлсэн болов уу

Д.Баттөмөр жүжигчнийхээ хувьд Фу Гүйн дүрийг хэрхэн бүтээж байна вэ гэдэг хоёр талтай. Гэхдээ эргэлзсэн, гайхширсан тэр үзэгчдийн хариултыг би, бид “Амьдрахуй” жүжгээрээ өгч байгаа

Жүжгийн тавдугаар үзэгдэлд комеди хэсэг бий. Харин надад таалагдаагүй. Үнэндээ би хүмүүсийг инээлгэх, комеди хэсгээс зугтааж, драмаар нь тоглохыг хүссэн

Жүжгийн бэлтгэлдээ хамгийн эхэнд ирж, хамгийн сүүлд явж, жүжигчид үгээ цээжлэхээс урьтаж өөртөө суулгачихаад, дүрийн үг, намтар гэж хэдэн дэвтэр гараар бичиж, өглөө ирээд “оюутан”-ыхаа хувиар шалаа арчиж, угааж, жүжгийн уншлагадаа орж байлаа

Бүхэл бүтэн жүжгийн гол дүр дааж авсан хүн учир хариуцлагаа ихэсгэж, дүрдээ орохын тулд 17 кг жин хаясан. Бүгдэд сэтгэлээ дэвсээд, бусад жүжигчнээс урьтаж гарааны зурхайд гарахад бэлэн зогсож байсан юм

Фу Гүйн дүр надаас маш их хүч, оюун ухаан, авьяас, мэдрэмж, сэтгэл, 100 хувийн гүйцэтгэлтэй тоглохыг шаардсан

Чадахаараа хичээж, сэтгэлээ дэвссэнийхээ ард өнөөдөр Фу Гүй бол Батаа, Батаа бол Фу Гүй болоод хувирчихсан байгаа гэдгийг ам бардам хэлэх байна

Фу Гүйн дотоод ертөнц, зан ааш, харилцаа, амьдралыг ойлгож байгаа нь, амьдралын философи нь, гэгээлэг байгаа нь, бадрангуй байгаа нь, хэдий хамаг нандин, үнэтэй бүхнээ алдсан ч амьдралын төлөө зүтгэж, амьд байх чухал юм байна гэдгийг ойлгож байгаа нь надад их дотно, ойр санагдсан