Засгийн газрын тогтоол болон нийслэлийн Засаг даргын захирамж шийдвэрээр түүхий нүүрс түлэхийг хориглосон. Гэвч зөвшөөрөлгүй түүхий нүүрс хэрэглэсэн гэх зөрчил нэг биш удаа гарчээ. Тодруулбал, нийслэлийн Мэргэжлийн хяналтын газраас Сонгинохайрхан дүүргийн 32 дугаар хороо “Хатан интернэшнл” ХХК-ийн ноос, ноолуур угаах, самнах үйлдвэрийн халаалтын зуухны хүрээлэн буй орчинд үзүүлж буй нөлөөг хянан шалгахад тусгай зөвшөөрөлгүйгээр түүхий нүүрс хэрэглэж байсан нь илэрчээ.

Түүнчлэн “Говийн эко хүнс”, “Ди Эйч Ти Эн” зэрэг компани түүхий нүүрс хэрэглэж байжээ. Эдгээр компанид Зөрчлийн тухай хуулийн 7.4 зүйлийн 1.3 хэсэгт заасны дагуу шийтгэл ногдуулж, түүхий нүүрсний хэрэглээг зогсоох албан даалгавар өгсөн байна.