АТГ-аас жил бүр төрийн алба хаагчид, төрийн болон орон нутгийн өмчит үйлчилгээний газрын алба хаагчид, сонгуульд нэр дэвшигчдийн хөрөнгө орлогын мэдүүлгийг танилцуулдаг. Ингэснээр төрийн өндөр дээд алба хаагчдын хөрөнгө огцом нэмэгдсэн эсэх, үндэслэлгүйгээр хөрөнгөжсөн эсэхэд олон нийт хяналт тавих боломж бүрдэж байгаа юм. АТГ-аас олон нийтэд нийтийн албан тушаалтнуудын хөрөнгө орлогын мэдүүлгийг танилцуулахад УИХ, Засгийн газрын гишүүдийн хөрөнгө орлого олны анхаарлыг татдаг бөгөөд хэвлэл мэдээллийн байгууллагууд онцлон танилцуулах нь бий. Харин төрийн болон төрийн өмчит компаниуд, орон нутгийн удирдлагуудын хөрөнгө оруулгын мэдүүлэг хэрхэн нэмэгдэж байгаа нь төдийлөн нээлттэй байж чаддаггүй.

  Тиймээс бид 21 аймгийн Засаг дарга нарын хөрөнгө орлогын мэдүүлгийг цувралаар танилцуулж байгаа билээ. Өмнөх мэдээллийг дараах холбоосоор уншина уу. https://ergelt.mn/news/20/single/36541

Харин бид энэ удаад  Дорнод, Дорноговь, Дундговь, Завхан, Орхон, Өвөрхангай, Өмнөговь аймгийн Засаг дарга нарын хөрөнгө орлогын мэдүүлгийг нэгтгэн харуулж байна.

ДОРНОД АЙМГИЙН ЗАСАГ ДАРГА М.БАДАМСҮРЭНГИЙН ОРЛОГО 48 САЯ ТӨГРӨГӨӨР НЭМЭГДЖЭЭ

            Тэрбээр 1996-2000 онд Монгол улсын Техникийн их сургуулийг нефтийн инженер мэргэжлээр төгссөн. Түүний хөрөнгө орлого  2015 онд Дорнод аймгийн Засаг даргаар ажиллаж эхэлснээс хойш нийт орлого нь 48 сая төгрөгөөр нэмэгджээ.  

ХӨРӨНГӨ ОРЛОГЫН МЭДҮҮЛЭГ:

Эрхэлж байсан ажил, албан тушаал:

• 2001-2002 онд “НИК” ТӨХК-ийн Дорнод аймаг дахь Нефть хангамжийн газар, -Онцгой байдлын Ерөнхий газрын харьяа Улсын нөөцийн газарт Шатахуун түгээх станцын түгээгч, эрхлэгч,
• 2009-2012 онд Дорнод аймгийн Монгол ардын намын хорооны орон тооны дэд дарга,
• 2008-2012 онд аймгийн ИТХ-ын төлөөлөгч, Тэргүүлэгч,
• 2012-2013 онд Хэрлэн сумын Засаг даргын орлогч, аймгийн Засаг даргын Зөвлөх,
• 2013 онд аймгийн Засаг даргын орлогч

ДОРНОГОВЬ АЙМГИЙН ЗАСАГ ДАРГА О.БАТЖАРГАЛ

           О.Батжаргал нь  Дорноговь аймгийн Сайншанд суманд төрсөн. МУИС-ийг Эрх зүйч мэргэжлээр төгссөн. Тэрбээр “Адептус консалтинг фирм” ХХК-д хуульч, өмгөөлөгч, “Адептус консалтинг фирм” ХХК-д Гүйцэтгэх захирал, “Адептус консалтинг фирм” ХХК-ийн Зөвлөхөөр ажиллаж байсан. Мөн  2009- 2013 онд Шүүхийн сахилгын хорооны гишүүнээр  ажилласан.  Харин 2016-2020 онд Дорнод аймгийн ИТХ-ын төлөөлөгч, тэргүүлэгчээр ажиллаж, 2020 онд тус аймгийн Засаг даргаар томилогдсон байдаг.

ХӨРӨНГӨ ОРЛОГЫН МЭДҮҮЛЭГ:

ДУНДГОВЬ АЙМГИЙН ЗАСАГ ДАРГА Ц.МӨНХБАТЫН  ОРЛОГО 10 САЯ ТӨГРӨГӨӨР НЭМЭГДЖЭЭ

            Тэрбээр Комюьютерийн программ хангамжийн инженер мэргэжилтэй, Удирдлагын академийг Төрийн удирдлагын магистр зэрэгтэй төгссөн. 2020 оноос  Дундговь аймгийн Засаг даргаар ажиллаж байна. Харин Засаг даргаар ажиллаж эхэлснээс хойш түүний нийт орлого 10 сая төгрөгөөр нэмэгджээ.

ХӨРӨНГӨ ОРЛОГЫН МЭДҮҮЛЭГ:

ЭРХЭЛЖ БАЙСАН АЖИЛ, АЛБАН ТУШААЛ:

• 2001-2003 онд "Ньюфийл" ХХК-д инженер
• 2003-2005 онд "КЭПСА" ХХК-д захирал
• 2007-2012 онд  "Сатилайт Повер" ХХК-д ерөнхий захирал
• 2012-2014 онд Барилга, хот байгуулалтын Сайдын зөвлөх
• 2017-2020 онд УИХ-ын гишүүний бие төлөөлөгч

НАМ, ОЛОН НИЙТИЙН БАЙГУУЛЛАГАД АЖИЛЛАСАН БАЙДАЛ:

• 2012 оноос Дундговь аймгийн Ардчилсан намын хорооны гишүүн
• 2015 оноос Ардчилсан намын Зөвлөлдөх зөвлөлийн гишүүн
• 2012-2016 онд Дундговь аймгийн Иргэдийн төлөөлөгчдийн хурлын төлөөлөгч, тэргүүлэгч
• 2016-2020 онд Дундговь аймгийн Сайнцагаан сумын Иргэдийн төлөөлөгчдийн хурлын төлөөлөгч
• 2017 оноос одоог хүртэл Дундговь аймгийн Ардчилсан намын даргаар ажиллаж байна.

ЗАВХАН АЙМГИЙН ЗАСАГ ДАРГА Г.ӨНӨРБАЯРЫН ОРЛОГО 11 САЯ ТӨГРӨГӨӨР НЭМЭГДЖЭЭ

   Тэрбээр Хөдөлмөр, нийгмийн хамгааллын яамны Төрийн нарийн бичгийн даргаар ажиллаж байсан удаатай. Харин 2023 оноос Завхан аймгийн МАН-ын хорооны дарга, МАН-ын бага хурлын гишүүн, Завхан аймгийн Засаг даргаар ажиллаж эхэлсэн.

ХӨРӨНГӨ ОРЛОГЫН МЭДҮҮЛЭГ:

ЭРХЭЛЖ БАЙСАН АЖИЛ, АЛБАН ТУШААЛ:     

• 2001-2003 онд МУИС-ийн Нийгмийн шинжлэх ухааны сургуульд цагийн багш
• 2003-2005 онд МУИС-ийн Нийгмийн шинжлэх ухааны сургуульд дагалдан багш
• 2005-2007 онд МУИС-ийн Нийгмийн шинжлэх ухааны сургуульд багш
• 2007-2009 онд МУИС-ийн Нийгмийн шинжлэх ухааны сургуульд дэд профессор
• 2005-2006 онд Үйлдвэр, худалдааны яаманд мэргэжилтэн
• 2006-2007 онд Барилга, хот байгуулалтын яаманд хэлтсийн дарга
• 2008-2009 онд Гадаад харилцааны яаманд мэргэжилтэн
• 2009-2012 онд Монгол Улсын Ерөнхий сайдын зөвлөх
• 2013-2016 онд УИХ-ын Тамгын газар, УИХ дахь МАН-ын бүлэгт зөвлөх, ажлын албаны дарга
• 2016-2023 онд Хөдөлмөр, нийгмийн хамгааллын яамны Төрийн нарийн бичгийн дарга
• 2023 оноос Завхан аймгийн МАН-ын хорооны дарга, МАН-ын бага хурлын гишүүн, Завхан аймгийн Засаг дарга

ОРХОН АЙМГИЙН ЗАСАГ ДАРГА С.БАТЖАРГАЛЫН ОРЛОГО 12 САЯ ТӨГРӨГӨӨР НЭМЭГДЖЭЭ

            С.Батжаргал нь 2020 оноос хойш Орхон аймгийн Засаг даргаар ажиллаж байна.  Түүний нийт орлого Засаг даргаар ажиллаж эхэлснээс хойш 12 сая төгрөгөөр нэмэгджээ.

ЭРХЭЛЖ БАЙСАН АЖИЛ, АЛБАН ТУШААЛ:

2000 - "ЭДЦС" ТӨХК-д тээрмийн машинч, ээлжийн дарга, Дулааны бодлого төлөвлөлтийн инженер, Зуухан цехийн дарга

2009 - "Эрдэнэт үйлдвэр"ХК-ийн ДЦС-ын ашиглалтын мастер, Зуухны хэсгийн дарга

2016 - Орхон аймгийн Засаг даргын орлогч

2016 - Аймгийн ИТХ-ын Тэргүүлэгч, Дэд бүтэц, хот байгуулалт, гэр хорооллын хөгжлийн хорооны гишүүн

2017 - Аймгийн ИТХ-ын Эдийн засаг, үйлдвэрлэлийн хөгжлийн хорооны гишүүн

ХӨРӨНГӨ ОРЛОГЫН МЭДҮҮЛЭГ:

ӨВӨРХАНГАЙ АЙМГИЙН ЗАСАГ ДАРГА А.ИШДОРЖИЙН ОРЛОГО ДОЛООН САЯ ТӨГРӨГӨӨР НЭМЭГДЖЭЭ

            Тэрбээр  2020 оноос Өвөрхангай аймгийн Засаг даргаар томилогдон ажиллаж байна. Мөн А.Ишдорж орон нутгийн замд тээврийн хэрэгсэл жолоодож яваад зам тээврийн ноцтой осол гаргаж, хүний амь хөнөөсөн хэрэг гарсан. Тодруулбал, наймдугаар сарын 11-ний 00:16 цагт Өвөрхангай аймгийн Арвайхээр сумын “Хурд” ШТС-ын ойролцоо зорчиж яваад 57 настай эрэгтэйг дайрсан байна.  Шүүх шинжилгээний дүгнэлт 14-21 хоногийн дараа гарч, Өвөрхангай аймгийн Засаг дарга А.Ишдоржийг яллагдагчаар татаж шалгах ажээ.  Одоогийн байдлаар тэрбээр ажлаа хүлээлгээн өгөх хүсэлтээ өгсөн ч хариу нь ирээгүй, ажлаа хэвийн үргэлжлүүлж байгаа юм.

ЭРХЭЛЖ БАЙСАН АЖИЛ, АЛБАН ТУШААЛ:

 Бат-Өлзий сумын ЕБС-д Физик, байгаль шинжлэлийн багш

1999-2004 онд Сумын соёлын төвийн эрхлэгч, Хүүхэд залуучуудын ажилтан

2004-2011 онд Бат-Өлзий сумын Засаг даргаар , 2011 2016 онд Арвайхээр сумын Засаг дарга бөгөөд Хотын захирагч

2016-2020 онд Өвөрхангай аймгийн иргэдийн Төлөөлөгчдийн Хурлын даргаар сонгогдон ажилласан.

ХӨРӨНГӨ ОРЛОГЫН МЭДҮҮЛЭГ:

ӨМНӨГОВЬ АЙМГИЙН ЗАСАГ ДАРГА Р.СЭДДОРЖИЙН ОРЛОГО 19 САЯ ТӨГРӨГӨӨР НЭМЭГДЖЭЭ

                        Тэрбээр 2013-2020 онд "Тавантолгой" ХК-нд Гүйцэтгэх захиралын үүргийг гүйцэтгэсэн.  Харин 2020 оноос Өмнөговь аймгийн Засаг даргаар ажиллаж байна.

      Мөн "Тавантолгой" ХК-ийн гүйцэтгэх захирлаар ажиллаж байхдаа нэр дурдагдсан дээрх хүмүүстэй хамтарч, 20 гаруй тэрбум төгрөг хувьдаа завшсан байж болзошгүй нөхцөл байдал илэрч, яллагдагчаар татаж шалгаж байгаа билээ. Нийслэлийн прокурорын газраас Өмнөговь аймгийн Засаг дарга Р.Сэддоржид Хязгаарлалт тогтоох таслан сэргийлэх арга хэмжээ авах тухай саналыг Хан-Уул дүүргийн Эрүүгийн хэргийн анхан шатны шүүх 2023 оны нэгдүгээр сарын 13-ны өдөр хянан хэлэлцэж, яллагдагч Р.Сэддоржид холбогдох хэргийг шийдвэрлэтэл түүнийг Монгол Улсын хилээр гарахыг хязгаарлах мөн нэр бүхий яллагдагч, гэрч нартай уулзахыг хориглох таслан сэргийлэх арга хэмжээ авч шийдвэрлэж байсан удаатай. 

ХӨРӨНГӨ ОРЛОГЫН МЭДҮҮЛЭГ:

ЭРХЭЛЖ БАЙСАН АЖИЛ, АЛБАН ТУШААЛ:

• 1997-2002 онд Улаанбаатар хот, Хан-уул дээд сургууль бизнесийн эдийн засаг, хэрэглээний математикч
• 2002-2006 онд "Ажнай" корпорацийн маркетингийн албаны дарга
• 2004-2007 онд УИХ-ын гишүүний бие төлөөлөгч, туслах
• 2006-2008 онд Удирдлагын академи Нийгмийн ухааны магистр
• 2007 оноос Өмнөговь аймаг Цогт-овоо сумын нутгийн зөвлөлийн дарга
• 2008 оноос JCI байгууллагын гишүүн /ОУ-н залуучуудын АҮ-ийн танхим/
• 2007-2009 онд МҮБХ-ны Аймаг цэргийн цолтой болон залуу бөхчүүдийн зөвлөлийн ахлагч
• 2009 он МУШУТИС, Уул уурхайн сургууль докторант
• 2009-2010 онд "Тавантолгой" ХК-д Санхүү хангамж хариуцсан дэд захирал
• 2010-2012 онд АНУ-ын Канзасын их сургууль
• 2012 оноос УИХ-ын гишүүний зөвлөх
• 2013-2020 онд "Тавантолгой" ХК-нд Гүйцэтгэх захиралаар ажиллаж байсан.