Нүүрсний үнэ 2023 оны гарснаас хойш буюу оны эхний хагас жилийн байдлаар 59.2 хувиар унасан. Дэлхийн дулаарал, уурын амьсгалын өөрчлөлтэй холбоотойгоор олон улс нүүрсний хэрэглээгээ танаж, багасгасан нь шууд зах зээл дэх нүүрсний ханшид том цохилт үзүүлэв. Харин нүүрс олборлолт, экспортоороо улсаа, эдийн засгаа авч явдаг орнууд яаралтай хариу арга хэмжээ авч, хэрхэхээ шийдэхгүй бол нүүрсний зах зээл “шалдаа” бууж мэдэхээр байгааг шинжээчид анхааруулж байна.

-ТҮҮХЭН УНАЛТ БА ЭРГЭН СЭРГЭЛТ-

2023 оны нэгдүгээр сард Европ тивд өвлийн жавар татаж, тэр ч утгаараа эрчим хүчний хямрал нь багассан. Харин үүнийгээ даган эрчим хүчтэй цаг ямагт л нэр харшуулж явдаг нүүрс зах зээл дэх “дулаан”-аа алдсанаар ханшийн уналт нь эхлэв. ОХУ, Украины дайнтай холбоотойгоор нэг тонн нь 404 ам.доллар болтлоо хөөрөөд байсан нүүрс зах зээлд 150 орчим ам.доллар болтлоо унаад байна. Мөн Австралийн Ньюкасл боомтоор буюу далайгаар тээвэрлэдэг нүүрсийг чанараасаа хамаарч, 170 орчим төгрөгөөр тооцох болжээ.

                Ингэж явсаар нүүрсний зах зээлийн уналт эрчимжсэн. Сүүлийн хэдэн жилд байгаагүй түүхэн уналтаа үзүүлсэн ч хоёрдугаар сарын сүүлчийн зах зээл дэх нүүрсний үнэ өнгөрсөн оныхоосоо 60 хувиар унасан үзүүлэлт болсон.

Тэгвэл түүхэн муу амжилтаа үзүүлснээс хойш буюу өнгөрсөн зургадугаар сараас хойш нүүрсний ханш дахин сэргэж байна. Гаднын орнуудад хил, боомтын асуудлаас шалтгаалан нүүрсээ тээвэрлэж чадахгүй нэг томоохон хүндрэлтэй нүүр тулгарч байсан ч нүүрсний салбарын гол тоглогч, томоохон олборлогчид тэднийгээ мартсангүй. Тээвэр ложистикийн салбарт дэмжлэг үзүүлж, эрчим хүчний нүүрснээс эхлэн дахин нүүрсний зах зээлийг “босгож” байгаа юм байна.

-НҮҮРСНИЙ ЗАХ ЗЭЭЛ ИРЭЭДҮЙД ХЭРХЭХ ВЭ-

                  Олон улсын эдийн засагч, шинжээчдийн таамаг нь БНХАУ-ыг хүлээх. БНХАУ-ыг дэлхийн хамгийн том нүүрс олборлогч гэхэд хилсдэхгүй. Тэд нэг жилд дэлхийн нийт нүүрсний олборлолтын тал хувийг дангаараа дүүргэж байв. Харин одоо нүүрсний зах зээлийн ирээдүй БНХАУ-ын “гарт” байгаа гэж болох аж. Цаг уур, уур амьсгалын өөрчлөлттэй холбоотой НҮБ-ын Ерөнхий Ассамблейн чуулганд оролцсон, тэр тал дээр эерэг хариу өгдөг нүүрсний тоглогчийн хувьд шийдвэр гаргах үлдээд байна. Нүүрсний хэрэглээгээ багасгаж, сэргээгдэх эрчим хүч, цөмийн энергид шилжих үү, “сурсан зангаараа” нүүрсээ хэрэглээд үлдэх үү гэдгээс бүхэл бүтэн дэлхийн нэг том салбарын зах зээл хамаарч байх аж.