2021 он улирч, 2022 он солигдох мөч ойртсоор. Жил бүрийн энэ өдөр, энэ баяр хүн бүрийн зүрхэнд шинэ түүх, дурсамж болон үлддэг.

Эргэлт.мн мэдээллийн сайтаас уншигч та бүхэнд дэлхийн алдартнуудын шинэ жилийн дурсамжийг хуваалцъя.

Хөл бөмбөгч ДЭВИД БЕКХЭМ

          Би жил бүрийн шинэ жил, зул сарын баяр илүү гайхалтай түүх, дурсамж бүтээсээр байдаг гэж боддог. Тиймээс ч аль нэгийг нь сонгох боломжгүй ч байж магад. Зул сарын баяр болгоноор би хүүхдүүддээ хөгжмийн зэмсэг бэлэглэхийг боддог. Энэ баяр л гэр бүлийг минь дуу хууртай байлгаж, “амьд” байлгадаг байж ч мэднэ.

          Хэрэв үнэхээр зул сарын дурсамжаасаа сонгох хэрэгтэй юм бол 2013 онд гэр бүлийн хамт “The Class of 92” киног үзэж байсныг дурсмаар байна. “Манчестер Юнайтед” клубт тоглож байсан үе, өөрийнхөө тухай киног хүүхдүүдтэйгээ хамт үзэх хэчнээн сайхан байсан гэж санана.

Жүжигчин ИСЛА ФИШЕР

          Шинэ Зеланд шиг үзэсгэлэнтэй газар зул сарын баярыг жинхэнэ утгаар нь тэмдэглэхийн тулд жолооны ард суух хэрэгтэй ч байж магад. Би нэгэн удаа Шинэ Зеландын Өмнөд арлын Квинстаун хотоос автомашинтай аялал эхлүүлж байлаа. Өдрийн турш машиндаа дуртай дуунуудаа сонсож, цэнгэж явсаар Вакатипу нуурын дэргэд буудаллаж, цаст оргилуудаар хүрээлүүлсэн үзэсгэлэнт байгальд зул сарын баяраа тэмдэглэх боломж олдож байв.

          Гэрэлт цохоор хүрээлүүлсэн байгалийн үзэсгэлэнд оргилуун дарс задалж, газарт амьдарч байгаа ч, тэнгэр шиг баярлаж үзсэн минь тэр.

Тогооч ГОРДОН РАМЗИ

          Зул сарын баяр болгоны өглөө сэрүүн агаараар угтаж авдаг Их Британиас хол АНУ-ын Лос-Анжелест тэмдэглэсэн баяр мартагдашгүй. Өдөр нь бүр шатаачихмаар халж байсныг нь яана. Лос-Анжелесын байшин бүр нь гаднахаасаа тансаг чимэглэж, аварга том чихэр, хийлдэг цагаан гаатай боовоор гангарсан байсан нь сонирхолтой.