ОНЦЛОХ ҮЙЛ ЯВДАЛ

644 он

644 оны арванхоёрдугаар сарын 14-ний энэ өдөр Мухаммедын хамтрагч Усман ибн Аффаныг Исламын III халифаар томилжээ. Усан ибн Афаан нь Умар ибн аль-Хаттабыг залгамжлан Рашидуны халифатын гурав дахь халифаар захирч байв. Дэлхийн түүхэнд Усман ибн Аффаныг “Коран” судрын анхны стандарт хувилбарыг эмхэтгэх даалгавар өгсөн гэдгээр тэмдэглэн үлдээсэн байдаг.

1287 он

1287 оны арванхоёрдугаар сарын 14-ний энэ өдөр Нидерландын баруун хойд хэсэгт орших Гэгээн Люсиагийн Зуйдерзээ далайн хана үерийн улмаас нурж, 50 мянга гаруй хүний амь эрсэджээ. Түүхэнд бүртгэгдсэн эл тав дахь том үерээс хойш тус бүс нутагт 1421 оны арваннэгдүгээр сарын 18-нд дахин хүчтэй шуурга болж, 10 орчим хүний амь эрсэдсэн байдаг.

1774 он

1774 оны арванхоёрдугаар сарын 14-ний энэ өдөр Нью-Хэмпширийн 400 цэрэг Форт Уильям, Мэри хоёр руу дайрчээ. Уг үйл явдлыг түүхэнд Америкийн анхны хувьсгал гэж онцлон тэмдэглэсэн байдаг. Форт Уильям, Мэригийн эсрэг боссон эх орончид Британийн далбааг буулгаж, цайз руу 100 орчим торх дарь асгаж, дэлбэлсэн байна.

1995 он

1995 оны арванхоёрдугаар сарын 14-ний энэ өдөр Югослав дахь мөргөлдөөнийг эцэслэж, олон улсын Засгийн газрын тэргүүнүүд Дейтоны хэлэлцээрт гарын үсгээ зуржээ. АНУ-ын Охайо мужийн Дейтон хотын ойролцоох Паттерсон нисэх хүчний баазад болсон Дейтоны хэлэлцээрт Слободан Милошевич, Алия Изетбегович, Франжо Туджман, Билл Клинтон нар гарын үсгээ зурсан байдаг.