Хуучны модон артай, бор цаастай тэмдэглэлийн дэвтэрт өөрийнхөө бүтээлүүдийг нямбай гэгч нь нааж, доод талд нь нэр, тайлбарыг он, сартай нь жирийтэл тэмдэглэсэн нь түүнийг их бүтээн байгуулалтад гар бие оролцож, хөнгөн үйлдвэрийн салбарын анхны шанг таталцсаны гэрч, баримт. Бид Монгол Улсад анхны хивсний үйлдвэр байгуулахад гар бие оролцсон, Монгол Улс өөрийн нэрийн хивстэй болох эхлэлийг тавьж, зургийг нь гаргасан “Улаанбаатар”, “Эрдэнэт хивс”-ний үйлдвэрийн анхны зураач Ж.Чойжилжавын Эргэлт.мн мэдээллийн сайтад өгсөн ярилцлагаас онцлох эшлэлээс уншигч танд хүргэж байна. ярилцлагыг бүрэн эхээр нь https://ergelt.mn/news_full/2/single/34723 эндээс уншаарай.

 Биднийг явахад Ю.Цэдэнбал дарга хүлээн авч уулзаж, “Та нарыг орос эхнэр дагуулаад ир гэж хэлэхгүй. Ажил сураад ирээрэй гэж л хэлнэ” гэж байв.

Ажлаасаа гарах үедээ “Ингэж олонд нүд үзүүрлэгдэж байхаар хөдөө гаръя” гэж шийдээд, Амарбаясгалант хийд рүү ирсэн

Хивсний ар тал нь 12 жилтэй, хоёр хүлэг баатар хажууд нь хийж, дээр нь Бөртэ чоно, Гуа марал урлаж, Чингис хааны нүүдлийн гэр сууцыг ард нь хийсэн

Тэр олбог Монгол-Зөвлөлтийн сансрын хөлгийн логоны зурагтай байсан. Хөлөг рүүгээ бариад орж байгаа дүрс нь камерт бичигдэж үлдсэн байдаг

1979 онд яамны орлогч сайд М.Дүгэрсүрэн Эрдэнэт хивсний хээ цэнэглэх ажилд томилно гээд бид Орос руу Обуховын хивсний үйлдвэрт очиж, гурав дөрвөн хивсний хээтэй ирж байлаа

Монгол Улсын анхны хивсний зурагт тохирох зураг сонгох болж, Ардын зураач Ү.Ядамсүрэн гуайн зураг шалгарч байсан юм

Би дадлагаа дуусгахдаа энх тайвны бэлгэдэл болгож, тагтаатай хивс хийж билээ. Түүнийг сургуульд маань авч үлдсэн. Тэр бүтээлээрээ онц дүн авч, сургуулиа дүүргэсэн дээ

Тэсэлгүй яаж хийдгийг нь өөрөө сурахаар үйлдвэр рүү удаа дараа нууцаар орж, хэрхэн ажиллуулаад байгаа нууцыг нь мэдэж аваад л 1970 онд нутагтаа ирж билээ