Үерийн улмаас ус тогтсон талбайг ариутгаж, халдваргүйжүүлэх ажил үргэлжилж байна. Тухайлбал, ус ихээр тогтсон орон сууцны хороолол, гэр хороолол, хүүхдийн тоглоомын талбай, үерийн далан шуудуу, иргэд ихээр зорчдог зах худалдааны төв болон хогийн цэгүүдэд халдварт өвчнөөс урьдчилан сэргийлэх зорилгоор ариутгал халдваргүйжүүлэлт хийж байна. Өнөөдрийн байдлаар таван аж ахуй нэгж 7.2 сая м.кв талбайд ариутгал халдваргүйжүүлэлт хийгээд байгаа аж.