Нийслэлийн Засаг дарга бөгөөд Улаанбаатар хотын захирагч Х.Нямбаатар нийслэл дэх өмч байрнуудын талаар байр сууриа илэрхийллээ.

          Тэрбээр "Улаанбаатар радиотой холбоотой харилцаа 2005 оноос хойш шүүх дээр маргаантай байна. Шүүхийн маргааныг далимдуулаад өнөөдрийг хүртэл нэг ч төлбөр төлөхгүйгээр явж байгаа. Мөн Гуравдугаар хорооллын наана байрладаг Ахуйн үйлчилгээг өмчийн харилцааг тойрсон, олон жил шимэгчилдэг хүмүүс сарын 500 мянган төгрөгөөр түрээслээд, цааш нь 20, 30 сая төгрөгөөр түрээсэлдэг. Ингэж шимэгчлүүлж, үнэгүйдсэн төрийн өмч байх хэрэг байна уу. Үүний оронд дуудлага худалдааны жагсаалтад оруулж, хувийн нэг секторт үнэ хүргээд зармаар байна. Эдгээр өмчүүдийн жагсаалтыг гаргаж ирэх хэрэгтэй. Хулгайд өртсөн өмчүүдийн байрыг хадгалсан нэртэй ашиглуулж байхын оронд нээлттэй дуудлагад оруулж зарах хэрэгтэй. Мөн жил бүр үүсэж байгаа газартай холбоотой болон бусад үүсмэл өмчөө бүртгэсэн шиг бүртгэж авах хэрэгтэй" гэв.