Хотын дарга ажлаа авснаас хойш хэрэгжүүлсэн гурван суурь хөтөлбөр болон цаашид хэрэгжүүлэх ажлын талаар Улаанбаатар хотоос сонгогдсон гишүүдэд танилцуулж байна.

         Энэ үеэр Хотын дарга Д.Сумъяабазар “Улаанбаатар хотыг системтэй хөгжүүлэхийн тулд өнгөрсөн гурван жилийн хугацаанд хууль эрх зүйн орчныг шинэчлээд, судалгаанд суурилсан төлөвлөлт, бодлогыг үе шаттай шийдээд явж байна. Их хурлын түвшинд хийсэн ажлын хүрээнд гэвэл нийслэл Улаанбаатар хотын Эрх зүйн байдлын тухай хуулийг батлуулж чадаагүй явсныг батлуулан, хуулийнхаа үр дүнд ажил явж байгаа. Засгийн газраас Улаанбаатар хотын хөрөнгө оруулалтыг үр дүнтэй хийж байна гэж ойлгож байгаа. Тухайлбал, 1210 автобусны парк шинэчлэлийг хийж энэ ондоо багтаан дуусгах гэж байна. Нэмээд түгжрэлийг бууруулах ажлын хүрээнд Яармаг болон Зайсангийн гүүрийн ажил, бусад холбоос замын бүтээн байгуулалт хийгдэж байна. Мөн Энхтайваны өргөн чөлөөнд үүсэж байгаа ачааллыг бууруулах зохицуулалтыг хийн ажиллаж байна. Харин дүүргүүдийн хувьд  хашаа хайс, грашаа буулгаж, ногоон байгууламжийг нэмэгдүүлэх ажлыг Улаанбаатар хотын Засаг даргын дэмжлэгтэйгээр гүйцээж байна. Нийслэл бонд гаргаж, орон сууцны бодлого, холбоос зам, сургууль, цэцэрлэгээ дэмжих зэрэг тулгамдсан асуудлаа шийдэхээр бэлтгэл ажлаа хангаж байна. Барилга, байгууламж, албан газрыг албадан нураах захирамж гарсны хэрэгжилтийг энэ долоо хоногт багтаан хангах чиглэлээр Ажлын хэсэг ажиллаж байна” гэв.