Сөүл хотод албан томилолтоор ажиллаж буй Нийслэлийн Засаг дарга бөгөөд Улаанбаатар хотын Захирагч Д.Сумъяабазар T money төлөөлтэй уулзалт хийж, мэдээлэл өглөө.   Энэ үеэр Нийслэлийн Нийтийн тээврийн газрын дарга С.Жавхлантбаатар мэдээлэл хийлээ.

            Тэрбээр "Нийслэл хотын нийтийн тээврийн үйлчилгээний бэлэн бус хэлбэр рүү үйлчилгээ нэвтрээд долоон жил болж байна. Энэ ч үүднээс дээрх төсөл хөтөлбөрийг хэрэгжүүлж байгаа UB смарт компанийн үндсэн  хөрөнгө оруулагч компани буюу T monеу компани дээр бид өнөөдөр санамж бичиг зурлаа. Нийслэл хотын иргэдэд үзүүлэх үйлчилгээнд энэ жил  дэвшил их гарч байгаа. Үндсэндээ парк шинэчлэлтийн үндсэн бүрэлдэхүүн солигдохоор хэмжээний техник орж ирэхээр байна. Бид энэхүү санамж бичгийн гэрээг  нийтийн тээврээр зорчих иргэдэд ямар ч хүндрэл үүсгэхгүйн үүднээс байгуулж байгаа юм. Цаашлаад энэ үйлчилгээг ганц нийтийн тээврийн автобус гэхгүйгээр такси үйлчилгээ болон ирэх онд үзүүлэх дүүжин тээврийн үйлчилгээнд ч мөн оруулж ажиллана. Мөн төлбөрийн системийг цахим карт гэлгүйгээр бусад бүх л төрлийн төлбөрийн хэлбэрээр тооцоо, төлбөр хийхийг ч багтаасан байгаа" гэв.