Нийслэлийн Засаг дарга бөгөөд Улаанбаатар хотын захирагч Д.Сумъяабазар халтирсны улмаас эмнэлэгт хүргэгдэж, хагалгаанд орсон гэх мэдээлэл цахим орчинд гарсан. Тэгвэл энэ талаар Нийслэлийн Засаг даргын тамгын газрын хэвлэлийн төлөөлөгч Н.Сугар цахим хуудастаа "Хотын дарга эрүүл мэндийн шалтгаанаар эмнэлэгт байгаа. Гэхдээ халтирч унасан гэх мэдээлэл ор үндэсгүй худал. Хүний эрүүл мэндийн асуудал хувь хүний нууц байдаг. Ийм асуудлаар шоглохгүй байхыг хүсье" гэжээ. Мөн Нийслэлийн сургалт судалгаа, олон нийттэй харилцах газрын дарга Г.Хонгорзул "Нийслэлийн  Засаг дарга Д.Сумъяабазар спортын бэртэл гэмтлийн улмаас яаралтай заалтаар өчигдөр мэс засалд орсон" тухай мэдээллээ.