Өнгөрсөн долоо хоногт угаарын хийн хордлогын найман дуудлага бүртгэгдэж, нийт 27 хүн хүнд болон хөнгөн хэлбэрээр угаартжээ. Үүний 15 нь хүүхэд байгаа талаар нийслэлийн Агаар орчны бохирдолтой тэмцэх газраас мэдээллээ.

 Ингэхдээ тус угаарт өртсөн иргэдийн шалтгаан нь зуухны буруу галлагаа болон яндан хөөлөлт муугаас үүссэн байна. Иймд иргэдийг анхаарал сэрэмжтэй байж, мэргэжилтнүүдийн өгч байгаа заавар зөвлөгөөний дагуу галлагаагаа зөв хийж, яндангаа хөөлөхийг анхаарууллаа.