Нийслэлийн удирдах ажилтнуудын шуурхай зөвлөгөөн өнөөдөр боллоо. Тус хурлыг Нийслэлийн Засаг дарга бөгөөд Улаанбаатар хотын Захирагч Д.Сумъяабазар цахимаар удирдан зохион байгууллаа. Ингэхдээ тэрбээр “Нийслэлийн хэмжээнд халдварын тохиолдол 45 дахь долоо хоног буюу өнгөрсөн долоо хоногт буурсан байна.

Хүнд болон хүндэвтэр хүмүүсийн тоо мөн буурсан. Нэмэлт III тунгийн хамрагдалт хангалтгүй байна. Нийслэлийн нийт хүн амын 50 болон түүнээс дээш хувь нь нэмэлт тунд хамрагдвал улбар шар бүсээс шар бүсэд шилжих боломж бүрдэнэ.

Мөн аж ахуйн нэгжүүдтэй байгуулсан “Хариуцлагын гэрээ”-ний хэрэгжилтэд тавих хяналтыг сайжруулж, халдвар хамгааллын дэглэмийг чанд сахиулж, мэргэжил арга зүйн зөвлөмж өгч, хэрэгжилтэд хяналт тавьж ажиллах хэрэгтэй” хэмээн холбогдох албаныханд үүрэг өглөө.

Эх сурвалж: НЗДТГ-ын Хэвлэл мэдээлэлтэй харилцах хэлтэс