Хөл хорионы үед хоол, хүнс хэт хэтрүүлэн хэрэглэх магадлалтайг мэргэжилтнүүд онцолж байна

Тусгаарлалтад байх үе нь хэн бүхэнд тийм ч таатай санагдахгүй. Ихэнх хүн энэ хугацаанд их идэх, буруу хооллох асуудалтай тулгарч байна.

БУХИМДАЛ БОЛ ЧИХЭРЛЭГ ЗҮЙЛСЭД “ДУРТАЙ”

Хүн бүрийн биеийн онцлог адилгүй ч, зарим хүн тухгүйрхсэн, эсвэл бухимдлаа багасгахын тулд жирийн үеийнхээс хэд дахин их иддэг байна. Үүнийг судлаачид “Сэтгэл хөөрлөөрөө идэх” хэмээн нэрлэдэг. Сөрөг мэдрэмжүүд хүний биед хоосон мэдрэмж төрүүлдэг тул түүнийгээ нөхөх хэрэгсэл нь хоол болдог. Энэ шинж тусгаарлалтын үед илүү мэдрэгдэж байгааг хүмүүс хэлсээр байна.

Мөн ихэвчлэн бухимдсан үедээ буруу хооллолт буюу их калори агуулсан, чихэрлэг хүнс хэрэглэдэг байна. Харамсалтай нь, энэ буруу хооллолтын хэв маяг удаан хугацаанд үргэлжилбэл сэтгэл баясгах бус, харин ч эсрэгээрээ бүр бухимдал төрүүлэх магадлалтай. Энгийн жишээ нь, жин нэмэгдсэнээр өөрийгөө буруутай мэт мэдэрч, өөртөө итгэх итгэл багасдаг. Цар тахлын энэ үед ямар ч мэдрэмжид автлаа гэсэн их хэмжээгээр идэж болохгүй.

Сэтгэл хөөрлөөрөө иддэг нийтлэг шалтгаан

Стресс –Стрессдсэн үедээ юм идмээр санагдаж байсан уу. Үнэндээ энэ энгийн асуудал биш. Стрессдсэн үед хүний бие кортисол хэмээх стрессний гормон ялгаруулдаг. Энэ нь амттай, давсархаг, шарсан хүнс зэрэг олон төрлийн хүнс идэх хүслийг төрүүлдэг ба алдсан энергиэ хурдан хугацаанд нөхөх буй юм. Хэрэв өөрийнхөө стрессийг зохицуулж чадахгүй бол их идсээр л байх болно.

Мэдрэг болсон үед- Ууртай, айсан, цухалдсан, ганцаардсан, ичсэн зэрэг сөрөг мэдрэмжүүдэд автах үед идэх нь сэтгэлийн засдаг. Энэ л үед хоол таны дотоод хэрэгцээт хэсгийг дүүргэж буй санагдсанаар их иддэг.

-Уйтгар болон хоосролыг мэдрэхэд үед-  Хоол идсэнээр уйтгар болон хоосрох мэдрэмж дарагдах ч ахиад уг мэдрэмж төрөхөд хөргөгч рүүгээ явдаг зуршилтай болчихсон байдаг.

-Багын зуршил- Бага байхад тань гэрээ цэвэрлэсний дараа, эсвэл хөлөө шалбалаад уйлсны чинь ээж, аав чинь амттай зүйл өгдөг байсан уу. Энэ сэтгэл зүй том болсон хойно нь ч тогтдог байна. Түгшсэн эсвэл амжилттай үйлдлийнхээ дараа өөрийгөө шагнаж амттан иддэг зуршил тогтсон байдаг ажээ. Сэтгэл хөдлөлдөө автаж хооллох нь энэ мэт олон зүйлийн шалтгаантай.

СЭТГЭЛ ТҮГШСЭН ҮЕД ИХ ИДДЭГ Л БИЗ ДЭЭ

Хүн стресс болон айдас мэдэрсэн үед хүний биед хурдан хугацаанд энергиэ нөхөхийн тулд маш их чихэрлэг, нүүрс ус, илчлэгтэй хүнс шаарддаг. Ингэснээр айдас болон аюулыг мэдэрсэн мэдрэмжийг тайвшруулдаг. Тийм хэдий ч удаан хугацаанд буруу хооллох нь жин нэмэх, чихрийн шижинтэй болох, депресст орох, сэтгэл гутралд орох магадлалтай. Иймд зөв хооллох дараах зөвлөгөөг хөл хорио далимдуулан их идэх зуршилтай болох гээд байгаа бусдадаа хүргэе.

1. Хоолоо төлөвлө- Зөв цагт хооллох

Өдөрт ямар хоол, хэдэн цагт идэх вэ гэдгээ төлөвлөх нь ач тустай. Мөн зөвхөн хоолны ширээндээ хооллож байх хэрэгтэй. Орондоо, телевиз үзэхдээ хооллох нь зуршил болох магадлалтай.

2. Хоолны зуршлаа мэдэж авах- Хоолны тэмдэглэл хөтлөх

Өнөөдөр ямар хоол, хэдэн цагт, ямар хэмжээтэй идсэн, илчлэг болон  ямар мэдрэмж төрөхөд илүү идмээр санагдаж буйгаа хянах гэж хичээгээрэй. Ингэснээр хэр их биед ашиг тусгүй илчлэгтэй хүнс болон ямар үед хэр их идэж буйгаа мэдэж авна. Мөн ямар мэдрэмж төрөхөд илүү идмээр санагдахаа мэдэх нь сэтгэл зүйгээ хянахад хүртэл дэмтэй.

3. Дэлгүүрээс авах зүйлсийн жагсаалт гарга. Зөвхөн хэрэгтэй зүйлсээ ав.

Хэрэв та дэлгүүр гарахдаа төлөвлөдөггүй мөн хүнс авахдаа өөрийгөө хорьдоггүй бол энэ буруу хооллох эхний шинж юм. Дэлгүүрт орохдоо зөвхөн жагсаалтад орсон хүнсээ авбал зөв хооллож, мөнгөө ч хэмнэнэ.

4. Болж өгвөл эрүүл хүнс сонгож, өдөр тутамдаа хэрэглэх зэрэг эдгээр зүйлсийг анхаарах шаардлагатай.