Монгол Улсын үнэн зоригт харцага Н.Золбоо үндэсний бөхийг түгээн дэлгэрүүлэх, залуу бөхчүүдийг дэмжих зорилгоор “Хачиртай бантан” подкастыг санаачлан, өөрөө хөтлөн ажиллаж байна.

   Тус подкастын хамт олон амжилттай барилдаж буй залуу бөхчүүдийг дэмжих, сурталчлах, урамшуулах зорилгоор жил бүр шилдэг найман аймгийн цолтныг шалгаруулж, подкастын нэрэмжит “ҮНЭН ЗОРИГТ” шагналыг гардуулахаар болжээ.

   Шагналыг намрын эхний барилдаанаас эхлэн сар шинийн барилдаан хүртэлх хугацаанд аймаг, сумын цолтой болон залуу бөхчүүдийн цуглуулсан чансааны оноог харгалзан, хамгийн өндөр оноо авсан эхний найман бөхөд олгоно.

   Шилдэг найман бөх тус бүр 1 сая төгрөгийн мөнгөн шагнал, дурсгалын зүйл болон сургалт, шинжилгээнд хамрагдах эрхийн бичгээр шагнуулах юм.