“Foodex Mongolia 2026” олон улсын хүнсний салбарын үзэсгэлэн худалдаа ирэх есдүгээр сарын 4-6-ны өдрүүдэд “Мишээл Экспо” үзэсгэлэнгийн танхимд зохион байгуулагдахаар болжээ.

   Тус үзэсгэлэнд “Үндэсний үйлдвэрлэл – Бидний бахархал” уриан дор үндэсний үйлдвэрлэгчид нэгдэн оролцох юм. Тухайлбал, 80 жилийн түүхтэй “Мах Импэкс” ХК, 42 жилийн түүхтэй хүнсний манлай үйлдвэр “Талх Чихэр” ХК болон “Томбат” ХХК, “Милл Хаус” ХХК, “Нүүдэл Жи” ХХК, “Прайм Пастри” ХХК, “Өв Соёл” ХХК оролцох юм.

   Үндэсний үйлдвэрлэгчид үзэсгэлэнгийн үеэр онцлох бүтээгдэхүүн, брэндүүдээ танилцуулахаас гадна амталгаат худалдаа, хямдрал, урамшуулал зохион байгуулж, хэрэглэгчдэд бүтээгдэхүүнээ үйлдвэрийн үнээр худалдан авах боломжийг бүрдүүлэхээр төлөвлөжээ.