Аж үйлдвэрийн салбарын үйлдвэрлэгчийн үнийн индекс (2024=100) энэ оны зургаадугаар сард урьдчилсан гүйцэтгэлээр 122.1 болж, үйлдвэрлэгчийн үнэ өмнөх оны мөн үеэс 27.5 хувь, өмнөх сараас 2.1 хувиар тус тус өссөн байна.

   Аж үйлдвэрийн салбарын үйлдвэрлэгчийн үнэ зургаадугаар сард өмнөх оны мөн үеэс 27.5 хувиар өсөхөд металлын хүдэр олборлолтын  үйлдвэрлэгчийн үнэ 48.8 хувь, бусад ашигт малтмал олборлолтын үйлдвэрлэгчийн үнэ 41.3  хувь, уул уурхайн туслах үйл ажиллагааны үйлдвэрлэгчийн үнэ 28.5 хувь, нүүрс  олборлолтын үйлдвэрлэгчийн үнэ 16.6 хувиар өссөн нь голлон нөлөөлсөн байна. Аж  үйлдвэрийн салбарын үйлдвэрлэгчийн үнэ энэ оны зургаадугаар сард өмнөх сараас 2.1 хувиар  өсөхөд нүүрс олборлолтын үйлдвэрлэгчийн үнэ  4.1 хувь, уул уурхайн туслах үйл ажиллагааны  үйлдвэрлэгчийн үнэ 1.8 хувиар өссөн нь голлон нөлөөлжээ.