2026–2027 оны хичээлийн жилд сургуулийн өмнөх боловсролын 53,598 хүүхэд болон ерөнхий боловсролын сургуулийн нэг, зургаа, аравдугаар ангийн нийт 270,689 суралцагчийг эрүүл мэндийн урьдчилан сэргийлэх, эрт илрүүлэх үзлэгт хамруулахаар төлөвлөжээ.

   Энэхүү үзлэгийг хүүхдийн цэцэрлэг, ерөнхий боловсролын сургуульд түшиглэн 2026 оны аравдугаар сарын 1-нээс улсын хэмжээнд хэрэгжүүлэхээр бэлтгэж байна. Үзлэгийг боловсрол, эрүүл мэндийн салбарын байгууллагууд, төрөлжсөн болон нэгдсэн эмнэлгүүд, анхан шатны эрүүл мэндийн байгууллага, цэцэрлэг, ерөнхий боловсролын сургуулиуд хамтран хоёр үе шаттайгаар зохион байгуулах юм.