2026 оны долоодугаар сарын 10-ны байдлаар хийсэн хяналт, тандалтын дүнгээр Ховд аймгийн Чандмань, Завхан аймгийн Цагаанхайрхан, Баянхонгор аймгийн Гурванбулаг, Дорнод аймгийн Хэрлэн, Гурванзагал, Сэргэлэн сумдын нутагт бэлчээрийн хөнөөлт царцаа хэт олширсон нь тогтоогджээ.

   Тодруулбал, дээрх сумдын зарим хэсэгт нэг ам метр талбайд 8–19 ширхэг царцаа тоологдсон нь хэт олшролтын түвшинд хүрснийг харуулж байна. Харин бусад сумдын нутагт царцааны нягтшил хэвийн хэмжээнд буюу нэг ам метр талбайд 1–7 ширхэг байгаа аж.

   Ажиглалтаар сибирийн царцаа болон бараан далавчит царцаахай зонхилон тархсан болохыг Хүнс, хөдөө аж ахуй, хөнгөн үйлдвэрийн яам мэдээллээ.