Төв аймгийн Лүн сум орчимд Туул голын усны түвшин үерийн аюултай хэмжээнээс 10 см-ээр давж, 230 см-т хүрээд байна. Түүнчлэн Хараа гол (Дархан хот), Халх гол (Ялалт баг), Хархираа гол (Тариалан сум)-ын усны түвшин мөн үерийн түвшинг 5–15 см-ээр давсан үзүүлэлттэй байгаа бөгөөд голуудын усжилт өндөр хэвээр байна.

   Иймд дээрх голууд болон бусад гол мөрний сав дагуу зорчиж, аялж, амарч буй иргэдийг эрэг, хөвөөнд бууж суурьшихгүй байх, голын усанд орохгүй байх, бага насны хүүхдэд тавих хараа хяналтаа сайжруулж, болзошгүй үерийн эрсдэлээс урьдчилан сэргийлэхийг онцгойлон зөвлөж байна.