Өнгөрсөн жил түүхт 100 жилийн тэгш ойгоо тэмдэглэсэн нэг аймаг, 27 сумын нутгаар наадамчин олон хөл хөдөлгөөн ихтэй, дэлгэр сайхан баярласан билээ. Тэгвэл энэ жилийн хувьд тэгш ойтой аймаг, сумдын тоо харьцангуй цөөн байна. Баяр наадмынхаа товыг албан ёсоор зарлаад буй аймаг, сумдын нэгдсэн мэдээллийг хүргэж байна.

Аймгуудын Наадмын Хуваарь

• Орхон аймаг: Долдугаар сарын 22–26 (Үүсэн байгуулагдсаны 50 жилийн ой)

• Дундговь аймаг: Долдугаар сарын 24–26 (Аймгийн наадам болон Говийн бүсийн хурд)

• Завхан аймаг: Долдугаар сарын 24–26

• Сүхбаатар аймаг: Долдугаар сарын 24–26 (Аймгийн наадам болон Зүүн, Баруун бүсийн хурд)

• Баянхонгор аймаг: Долдугаар сарын 25, 26

• Баруун аймгуудад малын гоц халдварт шүлхий өвчин гарсантай холбогдуулан Баян-Өлгий, Увс, Ховд аймгуудын баяр наадмыг ирэх сарын 1-н хүртэл хойшлуулаад байна.

Тэгш Ойн Баяртай Аймаг, Сумд

    Энэ онд Дархан-Уул аймаг байгуулагдсаны 65 жил, Орхон аймаг байгуулагдсаны 50 жил, Өвөрхангай аймгийн Хархорин сум байгуулагдсаны түүхт 70 жилийн ой тус тус тохиож байна. Түүнчлэн тэгш ой нь тохиож буй бусад сумдыг аймгаар нь ангилвал:

Төв аймгийн

• Алтанбулаг: 100 жил
• Баянчандмань: 90 жил

Архангай аймгийн

• Цэцэрлэг: 100 жил

Завхан аймгийн

• Түдэвтэй: 100 жил

Ховд аймгийн

• Буянт: 100 жил 
• Ховд: 80 жил
• Дөрвөн: 70 жил