Баянхонгор, Өвөрхангай, Говь-Алтай, Өмнөговь аймгууд +32 хэм хүрч хална

Нөгөөдөр буюу 7-р сарын 18-ны Бямба гарагт говийн болон зүүн аймгуудын нутгаар өдөртөө +30-аас +32 хэм хална.

Тухайлбал, Баянхонгор аймгийн Жинст, Богд, Баянлиг, Өвөрхангай аймгийн Баруунбаян-Улаан, Гучин-Ус сумд, Говь-Алтай аймгийн Шарга, Бигэр сумд, Өмнөговь аймгийн Булган, Мандал-Овоо зэрэг сумдын нутгаар +32+34 хэм хүрч хална.

Мөн Бямба гарагт өдөртөө хангайн, төвийн бүсийн аймаг, сумдын нутгаар, мөн Дундговь, Өмнөговь, Дорноговь, Хэнтийн зарим сумдын нутгаар дуу цахилгаантай бороо орно.

Харин 17:00 цагаас хойш Хэнтийн аймгийн Өмнөдэлгэр, Цэнхэрмандал, Жаргалтхаан, Баянмөнх зэрэг сумд, Өндөрхаан хот, Дундговь аймгийн Өндөршил, Баянжаргалан сум, Дорноговь аймгийн Даланжаргалан зэрг сумдын нутгаар усархаг, дуу цахилгаантай бороо орох төлөвтэй байгаа тул болзошгүй үер усны аюулаас сэрэмжтэй байхыг ЦУОШГ-с анхааруулж байна.