Тулгар төрийн 2235, Их Монгол Улс байгуулагдсаны 820, Ардын хувьсгалын 105 жилийн түүхт ойд зориулсан хүчит 1024 бөхийн барилдаанд тав давж, начин цолны болзол хангасан Б.Бат-Эрдэнэ нь Булган аймгийн Сайхан сумын харьяат, аймгийн арслан Б.Бат-Эрдэнэ нь  чөлөөт бөхийн олон улсын хэмжээний мастер цолтой бөгөөд спортын гараагаа амжилттай үргэлжлүүлж буй бөх юм.

  Тодруулбал, Үндэсний их баяр наадмын Хүчит бөхийн барилдаанд Булган аймгийн Сайхан сумын харьяат, “Булганхангай” дэвжээний бөх, Аймгийн арслан Б.Бат-Эрдэнэ улсын начин Э.Сумъяабатаар тав давж, Улсын начин цолны болзол хангасан билээ.

  Бид Монгол Улсын начин Б.Бат-Эрдэнэтэй холбогдож баяр наадмын сэтгэгдлийг нь сонслоо.

  Тэрбээр “Баяр наадмаараа Улсын цолтон болсондоо баяртай байна. Би Булган аймгийн Сайхан сумд төрсөн. Одоо бол Орхон аймгийн Баян-Өндөр сумын харьяат иргэн. Энэ жил Эрдэнэт хотын маань 50 жилийн ой болж байгаа. Нутгийнхаа тэгш ойгоор улсын цолтон болоод очиж байгаадаа баяртай байна.  Булган дэвжээнийхэндээ, Булган болон Орхон аймгийн ард түмэндээ, багш нартаа, нийт намайг дэмжсэн хүмүүстээ маш их баярлалаа” гэв.