Нийслэлийн ИТХ-ын ээлжит хуралдаан үргэлжилж байгаа. Нийслэлийн засаг дарга буюу хотын захирагч Д.Сумъяабазар цар тахалтай холбоотой нөхцөл байдлын талаар мэдээлэх үеэрээ "Одоогийн байдлаар QR код бүхий зөвшөөрөлтэй 17 мянга зургаан автомашин замын хөдөлгөөнд оролцож байгаа” талаар хэллээ.

Энгийн өдрүүдэд 450-500 мянган автомашин замын хөдөлгөөнд өдөр тутам оролцдог гэх статистик байдаг. Одоогоор иргэдийн явганаар болон автомашинаар зорчих хөдөлгөөн 70-90 хувь буураад байна. Цагдаа, дотоодын цэрэг, БХИС-ийн нийт 35 мянга 576 албан хаагч 13 мянга 163 чиглэлд хяналт шалгалт хийж нийтийн хэв журмыг сахиулан ажиллаж байна.

Явганаар болон автомашинаар зорчих хөдөлгөөн 70-90 хувь буураад байна

Нийслэлийн нийтийн тээврийн үйлчилгээг бүх нийтийн бэлэн байдлын зэрэгт шилжсэн үед тодорхой тогтоосон цагуудад 860 гаруй автобус өдөр бүр үйлчилгээнд явуулж нийт 94 чиглэлд 12 мянга 961 тээврийн хэрэгсэл 52 мянга 455 удаагийн эргэлтээр 1,181,906 зорчигч тээвэрлэжээ.