Дархан-Уул аймагт коронавирусийн батлагдсан 11 тохиолдол нэмэгдлээ. Шинээр халдварласан 11 хүн нь өмнө нь илэрсэн 22 тохиолдлын ар гэрийн хүмүүс гэж Дархан-Уул аймгийн Онцгой комиссоос мэдээллээ. 

Дархан-Уул аймгийн Засаг дарга Б.Азжаргал "Өчигдөр өглөө коронавирусийн хоёр шинэ тохиолдол илэрсэн. Тэдний ойрын хавьтал болох 26 хүнийг тусгаарлаж, шинжилгээ авсан. Тэднээс долоон тохиолдол илэрлээ. Мөн өмнө нь тусгаарлагдсан байсан төмөр замын ажилчдын ар гэрийн дөрвөн иргэний давтан шинжилгээнээс коронавирус илэрлээ. Ингэснээр нийт 11 тохиолдол шинээр бүртгэгдлээ. Гэхдээ энэ 11 тохиолдол бүгд тусгаарлалтад байсан хүмүүс гэдгийг хэлэх нь зүйтэй" гэлээ.