Нийслэлийн Засаг дарга бөгөөд Улаанбаатар хотын захирагч Д.Сумъяабазартай  МҮХАҮТ-ын төлөөлөл цахимаар санал солилцож хатуу дэглэм, тодорхой дүрэм журмыг мөрдөн бизнесийн зарим үйл ажиллагааг яаралтай эхлүүлэх саналтай байгаагаа хэллээ. Мөн энэ үеэр согтууруулах ундаа үйлдвэрлэгч компанийн төлөөлөл хотын даргаас согтууруулах ундаа худалдахыг хориглосон захирамжаа эргэж харахыг хүссэн байна. Сүүлийн өдрүүдэд Нийслэлийн онцгой комисст хандан дарс, шар айраг гэх зэрэг бага градустай согтууруулах ундааг худалдах хэрэгтэй гэсэн санал ирүүлжээ. Эдгээр саналыг хотын захиргаа судалж байгаа аж.