Арванхоёрдугаар сарын 1-нээс орон нутгийн иргэдийг Улаанбаатар хотоос гаргах ажлыг зохион байгуулахаар төлөвлөөд буй. Өнөөдрөөс 119.mn сайтаар шинжилгээнд хамрагдах иргэдийг бүртгэж эхэлсэн байна. Иргэд Улаанбаатар хотоос гарахаасаа 48 цагийн өмнө коронавирусийн шинжилгээг өгөх юм байна. Ингэхдээ иргэд хаана очиж байгаа, ямар машинаар явах, холбоо барих дугаар зэрэг асуумжийг бөглөж байгаа юм. Харин зарим иргэд Сэлэнгэ, Дархан-Уул, Орхон, Говьсүмбэр, Дорноговь зэрэг аймгуудын сонголт бүртгэлийн хэсэгт байхгүй байгаа талаар гомдол мэдүүлж байна. Дээрх аймгуудад халдвар бүртгэгдсэн учраас тус аймаг руу зорчих иргэдийг бүртгэхгүй байгаа гэх албан бус эх сурвалжийн мэдээлэл байна. Яг одоо Улсын онцгой комисс хуралдаж байгаа юм. Энэ талаар тодруулаад эргэн мэдээлэх болно.