ЭМЯ-ны коронавирусийн талаарх ээлжит мэдээллийн үеэр ЭМЯ-ны Нийгмийн эрүүл мэндийн газрын дарга Д.Нарангэрэл “Улаанбаатарт бүртгэгдсэн эхний тохиолдлын хавьтал 52 хүн өвчилсөн бөгөөд есөн байршилд халдвар гарсан. Төмөр замын гурван байршилд 11 хүн өвчилсөн. Гэр бүлийн гишүүнээсээ халдвар авсан 12 гэр бүл байгаа. Гэр бүлийн хувьд халдварын эрчим маш өндөр буюу 52 хувьтай байна. Мөн гэртээ хүн урьж бариа засал хийлгэдэг тохиолдол байгаа бөгөөд халдварын 23.3 хувь нь үүнээс үүдэлтэй тархсан. Караокетой холбоотой 20 орчим хувь, буяны ажил, төрсөн өдөр, бие биенийхээрээ айлчилж зочилсонтой холбоотой 3-6 хувь, тоглолт үзсэнтэй холбоотой хоёр  хувь, орцны хавьтал 2.9 хувьтай байгаа юм. Төмөр замын голомтын хувьд гэр бүлийн гишүүдэд халдварлах эрчим 26.7 хувьтай, ажилчдын дунд халдварлах нь гурван хувь, эмнэлгийн ажилчид таван хувийг тус бүр эзэлж байна" гэлээ.

Мөн Улаанбаатар хотын Баянгол дүүргийн I, III, IV, VI, VII, IX, X, XVIII хороо, Баянзүрх дүүргийн IV, X хороо, Сүхбаатар дүүргийн XII, XIII, XVI, XVIII хороо, Сонгино хайрхан дүүргийн VII, XVI, XIX хороо, Хан-Уул дүүргийн X, XVI, XXI хороо, Чингэлтэй дүүргийн XIX хороо, Багануур дүүргийн IV хороонд дотоодын халдварын тохиолдол бүртгэгдсэн байна.