ЭМЯ-наас коронавирусийн талаарх ээлжит мэдээлэл хийлээ. Энэ үеэр ХӨСҮТ-ийн Тандалт, судалгааны албаны дарга А.Амбасэлмаа “ Өчигдөр 4176 хүнд PCR шинжилгээ хийхэд 13 хүнээс коронавирус халдвар илэрлээ. Улаанбаатар хотод гурав, Дархан-Уул аймагт хоёр, Орхон дөрөв, Сэлэнгэ аймагт дөрвөн тохиолдол илэрлээ. 24 цагийн хугацаанд Говьсүмбэр, Дорноговь аймагт халдварын тохиолдол нэмэгдээгүй. Дотоодод бүртгэгдсэн 275  халдвар нь  Улаанбаатарт 63, Дархан-Уул 22, Дорноговь 18, Орхон 23, Говьсүмбэр 3, Сэлэнгэ аймагт 148 тохиолдол бүртгэгдсэн байна” хэмээлээ. Мөн халдвартай хэмээн бүртгэгдсэн 699 хүнээс 345 нь эдгэрсэн бөгөөд эмчлэгдэж байгаа 360 хүн байна. Эдгээрээс хөнгөн 301, хүндэвтэр 55, хүнд гурав, маш хүнд нэг байна гэлээ.