Дархан-Уул аймгийн онцгой комиссоос мэдээлэл хийлээ. Дархан-Уул аймгийн Засаг дарга Б.Азжаргал "Энэ сарын 20-ны байдлаар аймгийн хэмжээнд түргэвчилсэн оношлуураар 495, PCR-аар 77 иргэнээс шинжилгээ авсан байна. Өнөөдрийн байдлаар батлагдсан тохиолдол 20 болсон. Харин сүүлийн дөрөв хоногт шинжилгээ авсан иргэдийн хариу сөрөг гарсан байна. Өчигдрөөс нэг өрх, нэг шинжилгээ гэдэг аяныг эхлүүлсэн. Иргэдийн дунд өвчлөл байгаа эсэхийг тогтоох зорилготой.

Хоёр эх үүсвэр байгаагаас нэгийг нь олоогүй байгаа учраас ийн шинжилж байна.  Одоогийн байдлаар 17821 иргэнийг буюу ийм хэмжээний өрхийн төлөөллийг шинжилгээнд хамруулаад байна. Мөн УОК-оос өгсөн чиглэлийн дагуу Сэлэнгэ аймгийн Бугант, Ерөө, Хүдэр сумдаас самранд явсан иргэдээ татаж авах ажлыг хийсэн. Нийт 150 гаруй хүн шинжилгээнд хамрагдсан. Мөн Улаанбаатар болон бусад аймаг сум руу явах хүсэлтэй иргэдийг гаргах ажлыг зохион байгууллаа. Маргаашнаас Дархан-Уул аймаг руу орох, гарах хөдөлгөөнийг хаана. Хүнс ачаа тээврийн машиныг нэвтрүүлэх, гаргах ажил хэвийн үргэлжилнэ" гэв.