Баянхонгор аймагт коронавирусийн сэжигтэй тохиолдол бүртгэгдсэн. Тодруулбал түргэвчилсэн оношлуураар шинжилгээнд хамрагдсан нэг иргэний шинжилгээний хариу эерэг гарч аймгийн хэмжээнд хатуу хөл хорио тогтоосон талаар бид мэдээлсэн. Тэгвэл тухайн иргэний PCR шинжилгээний хариу нь сөрөг гарсан байна.

Тус аймагт өнөөдөр өглөөний 07:00 цагаас эхлэн Гамшгаас хамгаалах бүх нийтийн бэлэн байдлын зэрэг цуцлагдах хүртэл хугацаанд тусгайлсан чиг үүрэг бүхий болон стратегийн ач холбогдох бүхий объект, байгууллагын ажилтан, албан хаагчдыг хувийн автомашинаар замын хөдөлгөөнд оролцох хуваарийг 07:00-09:00, 17:00-19:00 цаг болгон тогтоогоод байна.