Нийслэлийн 67 дугаар сургуулийн багш, сурагчдаас коронавирус илэрсэн үү

Б. Бадралмаа:
Монголчуудын амьдрал- Мэдээ мэдээлэл

2020-11-24, 2622

-Нийслэлийн 67 дугаар сургуулийн багш, ажилчдыг шинжилгээнд заавал хамрагдах ёстой 20 байгууллагын нэг гэдэг үүднээс шинжилгээнд хамруулж байгаа гэв-

Эрүүл мэндийн яамнаас өгсөн мэдээллээс хойш “67 дугаар сургуулийн гуравдугаар ангийн сурагчдаас сэжигтэй тохиолдол илэрч, багш, сурагчдыг шинжилгээнд хамруулж эхэллээ. Нэг сурагчийнх нь ээж ХӨСҮТ-д ажилладаг юм гэнэ” гэх мэдээлэл цахим орчинд түгсэн. Тэгвэл энэ асуудлаар холбогдох эх сурвалжуудаас тодрууллаа.

Нийслэлийн 67 дугаар сургуулийн багш “Манай сургуульд сэжигтэй тохиолдол илрээгүй. Багш, ажилчдыг шинжилгээнд хамруулж байгаа. Үүнийг бид зайлшгүй шинжилгээнд хамрагдах ёстой 20 байгууллагын нэг учраас шинжилгээ авч байгаа гэж ойлгосон. Цахимд гараад байгаа мэдээллийг сайн мэдэхгүй байна. Энэ талаар холбогдох албаныхнаас тодруулсан нь зөв гэж бодож байна” гэв.

Иймээс Эрүүл мэндийн яамны хэвлэлийн төлөөлөгчтэй утсаар холбогдож дээрх асуудлыг тодруулахад “Бид хувь хүний ажил мэргэжилтэй холбоотой асуудлаар мэдээлэл өгөх боломжгүй. Халдварын тохиолдол хаанаас ч илэрч болохоор байна. Шаардлагатай тохиолдолд маршрутыг зарлаж байгаа. Хувь хүний мэдээллийг зарлахаар цаашид тандалт хийх ажилд хүндрэл учруулж байна. Зохих бүх байгууллагад шинжилгээ хийж байгаа” гэлээ.

Манай сургуульд сэжигтэй тохиолдол илрээгүй. Багш, ажилчдыг шинжилгээнд хамруулж байгаа. Үүнийг бид зайлшгүй шинжилгээнд хамрагдах ёстой 20 байгууллагын нэг учраас шинжилгээ авч байгаа гэж ойлгосон

Нийслэлийн 67 дугаар сургуулийн багш, сурагчдаас коронавирус илэрсэн үү