Баянзүрх дүүргийн нутаг дэвсгэрт коронавирусын сэжигтэй тохиолдлууд бүртгэгдсэнтэй холбогдуулан арваннэгдүгээр сарын 18-нд тус дүүргийн 4, 6, 9, 26 дугаар хорооны нутаг дэвсгэрт хэсэгчилсэн бүрэн дэглэм тогтоосон бол дээрх хорооны сэжигтэй тохиолдлуудын PCR шинжилгээний хариу бүгд сөрөг гарч, хэсэгчилсэн хөл хориог цуцалсан байдаг. Гэвч өнөөдөр дахин сэжигтэй тохиолдол тус дүүргийн дөрөвдүгээр хорооны нутаг дэвсгэрт байрлах III байрны подвальд амьдарч байсан иргэнээс илэрсэн гэх мэдээлэл гараад байгаа юм. Тэгвэл албан бус эх сурвалжийн мэдээлснээр тус байрны орцны жижүүрээс коронавирус илэрч, улмаар дөрөвдүгээр хорооны нийт нутаг дэвсгэрийн хөл хөдөлгөөнийг бүхэлд нь хааж, тэг зогсолт хийж байгаа гэнэ.