Эрүүл мэндийн яамнаас "КОВИД-19" цар тахлын тархалт, нөхцөл байдлын талаар ээлжит мэдээллээ хийж байна. Өчигдрийн 17:00 цагаас хойш улсын хэмжээнд коронавирусийн 37 шинэ тохиолдол нэмж илэрчээ. Ингэснээр дотоодод илэрсэн халдварын тоо 120, нийт илэрсэн тохиолдол 555 боллоо. 

ХӨСҮТ-ийн Тандалт судалгааны төвийн дарга А.Амбасэлмаа "Өнгөрсөн хоногт коронавирусийн 37 шинэ тохиолдол нэмэгдлээ. Үүнээс хоёр тохиолдол нь зөөвөрлөгдөн орж ирсэн, 35 нь дотоодод тархсан багц халдвар байна. Тухайлбал, Өмнөд судан улсаас ирсэн нэг иргэн, Алтанбулаг боомтоор орж ирсэн нэг жолоочийн шинжилгээгээр коронавирусийн халдвар илэрлээ. Дотоодод илэрсэн халдварын шинэ тохиолдлуудын хувьд

- Улаанбаатар хотод 15 тохиолдол шинээр бүртгэгдэж, нийт тохиолдол 33

- Сэлэнгэ аймагт 10 шинээр бүртгэгдэж, нийт тохиолдол 51

- Дархан-Уул аймагт 5 тохиолдол шинээр бүртгэгдэж, нийт тохиолдол 16

- Дорноговь аймагт 5 тохиолдол шинээр бүртгэгдэж, нийт тохиолдол 6 боллоо" гэлээ.

Өнөөдрийн байдлаар 213 хүн ХӨСҮТ-д хэвтэн эмчлүүлж байна. Тэднээс нэг хүний биеийн байдал хүнд, 32 хүн хүндэвтэр, 120 хүн хөнгөн оноштой байна гэж Эрүүл мэндийн яамнаас мэдээллээ.