Дархан-Уул аймгийн Онцгой комисс цаг үеийн асуудлаар ээлжит мэдээллээ хийж байна. Энэ үеэр аймгийн Онцгой комиссын дарга  Б.Азжаргал “Дархан-Уул аймгийн Хонгор суманд төмөр замын хоёр ажилтнаас халдвар илэрч нийт 13 тохиолдол батлагдлаа. Одоогоор батлагдсан иргэдийн ойрын хавьтлыг бүрэн тусгаарлаж шинжилгээ авч байна. Энэ шөнө Хонгор сумын Салхит багийн 500 өрхийн 1600 иргэдийг шинжилгээнд хамруулж дуусна. Хүнс хүргэлтийн бүх иргэдэд шинжилгээ хийж тээврийг бүрэн хэмжээгээр ариутгаж байгаа. Мөн 1200 иргэнтэй утсаар ярьж заавар, зөвлөгөө өгсөн. УОК шийдвэр гаргаагүй байхад аймгийн Онцгой комисс иргэдийн гарах, орох хөдөлгөөнийг шийдэж чадахгүй" гэв.