Сэлэнгэ аймгийн Онцгой комисс цаг үеийн асуудлаар мэдээлэл хийлээ. Энэ үеэр мэргэжилтэн "Сэлэнгэ аймгийн хэмжээнд коронавируст халдварын нийт 41 тохиолдол бүртгэгдээд байгаа билээ. Одоогоор тус аймагт хязгаарлалт тогтоосон 31 цэгт 400 гаруй албан хаагч ажиллаж байна. Тусгаарлах 11 байранд нийт 229, гэрийн тусгаарлалтад 35 иргэн байна.  Сүхбаатар, Мандал өртөө, Хөтөл зангилааны нийт 850 ажилтан, албан хаагчид болон Алтанбулаг сумын 7173 хүнийг шинжилгээнд хамруулаад байна. Шинжилгээ үргэлжилж байгаа тул иргэдийг хуваарьт цэгтээ очиж шинжилгээ өгөхийг уриалж байна. Эцэг эх нь Улаанбаатар хот болон бусад газарт хөл хорионд орсон арван өрхийн 17 хүүхдийг түр асран хамгаалагч нарт хүлээлгэн өгч, хүнсний дэмжлэг хүссэн 18 өрхөд хүнс хүргэж байна. Бид эх үүсвэрийг тогтоож чадсан. Шинжилгээг гурван төрлөөр хийж байна. Ойрын болон дам хавьтал тодорхойлж шинжилгээ авсан. Түүвэр аргаар шинжилгээ хийж байна. Урд шөнө 5000 иргэнд шинжилгээ хийсэн" гэлээ.