Орхон аймгийн онцгой комиссоос мэдээлэл хийлээ. Энэ үеэр УИХ-ын гишүүн Б.Батлут “Арваннэгдүгээр сарын 18-ны шинжилгээгээр 13 хүнээс коронавирус илэрсэн байна. Батлагдсан 13 тохиолдлын дийлэнх нь Эрдэнэт Өртөө буюу Вокзалд ажиллаж, амьдардаг хүмүүс. Тэдний биеийн байдал хэвийн байгаа. Тэдгээрийн дөрөв нь 6-12 насны хүүхэд, ес нь 29-62 насны том хүн тэднийг ХӨСҮТ рүү шилжүүлсэн. Батлагдсан тохиолдлуудын дунд худалдаа, үйлчилгээний газруудаар явсан хүн цөөнгүй байна. Мөн арваннэгдүгээр сарын 7-нд Өргөө кино театраар үйлчлүүлсэн хүн байна. Тухайн өдөр тус театраар үйлчлүүлсэн хүмүүс Онцгой комиссын Шуурхай штабын 70359099 дугаарт хандаж, шинжилгээнд хамрагдах боломжтой. Эрдэнэт хотод ЭМЯ-аас 15 мянган ширхэг оношлуур нэмж авсан. Хотын хэмжээнд шинжилгээ авах 13 цэгийг нэмж байгууллаа. Хүнс хангалтад 198 автомашин явж байна. Хүнс, эм, эмнэлгийн хэрэгсэл хот руу чөлөөтэй нэвтэрч байгаа. Хүнс хангалт тасрахгүй” гэлээ.Мөн 13 иргэний маршрутыг тогтоох ажил үргэлжилж байна. Удахгүй олон нийтэд зарлах юм байна.